විශ්ව කීර්ති ශ‍්‍රී ත‍්‍රීසිංහලාධීශ්වර (හාමුදුරුවරු දෙන්නාගේ ගරු නාමය) මහින්ද මහරජතුමන් (ප‍්‍රසන්න රණතුංගගේ ගරු නාමය) විසින් ශී‍්‍ර ලංකාවෙන් ත‍්‍රස්තවාදය අතුගා දැමීමෙන් පසු පාර්ලිමේන්තුවේදී සිංහනාදයක් කරන ලදි. එහිදී කියා සිටියේ අපට මෙතෙක් තිබුණේ අභිමානවත් අතීතයක් පමණක් බවත් නමුත් අද සිට අපට අභිමානවත් අනාගතයක්ද පවතින බවත්ය. මෙතකින් නොනැවතුණු මහින්ද නරිඳුන් (ආචාර්්‍ය මර්වින් සිල්වාගේ ගරු නාමය - මර්වින් සිල්වා ආචාර්‍ය යන්න ලියන්නේ ඉහත පරිදිය.) අද සිට ලංකාව තුළ සුළුජාතියක් හෝ මහජාතියක් නැති බව කියා සිටියේය. එසේම අපේ ජනපතිඳාණෝ (ඇතුගලගේ ගරු නාමය) කිවේ අද සිට සිටින්නේ මාතෘ භූමියට ආදරේ කරන පිරිසක් සහ මාතෘ භූමියට ආදරේ නැති පිරිසක් පමණක් බවයි.මෙහිදී මාගේ ස්ථාවරය නම් මම මාතෘ භූමියට ආදරේ නැති අයෙකු බවයි. එනම් මා ඉපදුනු සහ හැදුණු වැඩුණු මව් බිමට ආදරේ නැති බව නොවේ. මහින්ද රාජපක්ෂ විසින් මවා දී ඇති මාතෘ භූමියට ආදරේ කරන පිරිස නම් වූ කණ්ඩායමට මා අයත් නොවන බවයි. එබැවින් ඔහු විසින් මවා දුන් අනෙක් එකම කණ්ඩායම වන මාතෘ භූමියට ආදරේ කරන පිරිස නම් වූ කණ්ඩායමට මා ඉබේම වැටී ඇත. එබැවින් අද සිට මා ශ‍්‍රී ලංකාවේ වෙසෙන සුළුජාතිකයෙකු වෙමි.
නමුත් මේ සුළුජාතීන්ගේ කණ්ඩායමේ මට තනියක් නොදැනෙනු ඇතැයි මම විශ්වාස කරමි. ඒ මක්නිසාද යත් මාගේ කණ්ඩාමට තව විශාල පිරිසක් පැමිණීමට නියමිත බැවිනි. ඒ අතරින් මුලින්ම මාහා එක්වනු ඇත්තේ NGO කණ්ඩායමය.(ඩොලර් කාක්කන් යන ගරුනාමය ඔවුන්ට දී ඇත) දෙවනුව රනිල් වික‍්‍රමසිංහ ප‍්‍රමුඛ UNP කාරයන්ද මාගේ ගොඩට වැටෙනු ඇත. (පරදේසක්කාරයන් යන ගරුනාමය දී ඇත) මේ දෙපිරිස පැමිණීමෙන් පසුව, අනෙක් පිරිස එන තුරු ටික කලක් අපට මගබලා සිටීමට සිදුවනු ඇත. ඒ ඇයි කියනවානම් ඔවුන්ට ලේබල් එක වැදෙනුයේ මැච් එක සෙල්ලම් කරමින් යන අතරතුරදී වන බැවිනි.
ටික කලක් යන තෙක් යුද්ධයේ ආතල් එක පක්ෂ බේදයකින් තොරව බෙදාගත්තද නැවත UNP කාරයන්ගේ අලි ගඳ දැනෙන්නට පටන් ගන්නේ බඩුමිල, අල්ලස්, දුෂණ, මැරකම්, මිනීමැරුම් හා අයිතිවාසිකම් ආදිය ගැන යම් මොහොතක කට හෙල්ලූ විටය. ඒ සැනින් මාතෘභූමියට ආදරේ කරන දේශපේ‍්‍රමී ජනතාව මේ ගුණමකුවන්ව බෙල්ලෙන් අල්ලා පශ්චාත්භාගයටද පයින් ගසා මාගේ කණ්ඩායමට ඇද දමනු ඇත. ඉන්පසුවද මහින්ද ප‍්‍රමුඛ දේශපේ‍්‍රමී කණ්ඩායම ආතල් පිට මැච් එක සෙල්ලම් කරමින් සිටින අතර තුරදී යුධ අපරාධ, ආයුධ ජාවාරම් වැනි යෝකර් එවන බුද්ධිමත් ජනතාවද මාගේ කණ්ඩායමටම තල්ලූ කර දමනු ඇත.
මාගේ සුළුතර කණ්ඩායමට එන (දේශපේ‍්‍රමීන් විසින් යොමුකරනු ලබන) ක‍්‍රීඩකයන් මෙතකින්ද නොනවතිනු ඇත. පාර්ලිමේන්තුවේදී හදිසි නීතිය සාමාන්‍ය නීතියටත් වඩා සාමාන්‍ය කරගැනීමට කොතෙකුත් කඬේ ගියද යම් දිනෙක JVPය ඡන්දය නොදෙන තැනදී යම් හිරිකිතයකින් වුවද ඔවුනුත් මාගේ කණ්ඩාමට ගැනීමට සිදුවනු ඇත. එපමණක්ද නොව ඊලඟ මැතිවරණයට නාමයෝජනා දීමට යන විට PA+UNP+JNP+JHU හා TMVP යන සියල්ලේම මන්ත‍්‍රීවරු පොරකා ලිස්ට් එකට රිංගා ගැනීමට නොහැකි වූ විට හිතේ අමාරුව වැඩිවී කට පාලනය කරගැනීමට නොහැකි වනු ඇත. එසේ වන මන්ත‍්‍රීවරු පමණක් නොව දැන් සිටින ඇමතිවරුන් පවා මාගේ කණ්ඩායමේ සාමාජිකයන් කරගැනීමට සිදුවනු ඇත.
තවද මහින්ද රජතුමන්ට ඔටුනු පැලඳීමට හැකි පරිදි ඊලඟ ව්‍යවස්ථාව සම්පාදනයට වැඩ ඇල්ලූ විට ඊට විරුද්ධව තීන්දු දෙන අගවිනිසුරු, ශ්‍රේෂ්ඨාධිකරණ විනිසුරුවරු හා බහුතර නීතීඥයන්ද, ඒකාධිපති ව්‍යවස්ථාවකට එකඟ නොවෙන ආණ්ඩුවේ ඇමතිවරු හා මන්ත‍්‍රීවරුද එයට විරුද්ධව කථා කරන විශ්ව විද්‍යාල
ආචාර්‍යවරුද, ශිෂ්‍යයන්ද, වෘත්තීය සමිති සාමාජිකයන්ද, මාධ්‍යකරුවන්ද මාගේ ගොඩටම වැටෙනු ඇත.එබැවින් මේ මොහොතේ මා තනිවම ඉන්නා කණ්ඩායම තව නොබෝ දිනකින් ක‍්‍රමයෙන් 30% සිට 90% - 95% දක්වා වර්ධනය වනු ඇත. ඒ වන විටත් අපට දී තිබෙන නම ‘මාතෘභූමියට ආදරේ නැති’ යන්න වුවද අප තවදුරටත් සුළුතරය නොවන බවනම් ඉතා පැහැදිලිය.මේ අනාගත දිනයේදී සුළුතරය වනුයේ මහින්ද මහ රජතුමන්, අගබිසව ප‍්‍රමුඛ අන්තඃපුරය, පුත් කුමාරවරු හා සහෝදර කුමාරවරුනුත් ඇමති මණ්ඩලයත්ය. (මේ ඇමති මණ්ඩලය යනු දැන් සිටින ඇමති මණ්ඩලය නොවේ. එය ඊට වඩා වෙනස් වූවකි)
මේ දින පැමිණි විට අතිබහුතර ජනතාව අපේ කණ්ඩායමේ නම වෙනස් කිරීමට තීරණයක් ගනු ඇත. එදාට අපි බහුතරය වනවා පමණක් නොව දේශපේ‍්‍රමීන්ද වන බව නොඅනුමානය.
හික්ස්!
ReplyDeleteඑතකොට අපි ඇතුලත් තැතුවාම නොවෙයිනේ? (මම කොටි පුතෙක්නේ?)
ඔය කාරණාම නොවුණත් ඔය වගේ දෙයක් වෙන්න බැරි නෑ තමා.
ඔබ කියන ඔය සුලුතර අති බුද්ධිමත් කණ්ඩායමට මුලින්ම වැටුනු, අනාගතය හොදින් අවුරුදු 10 තරම් ඈතට පෙනෙන මහා ප්‍රබුද්ධයෙක් වීම ගැන සුබ පතමි. ඔබගේ කණ්ඩායමට ඒමට මා හට නොලැබේවායි පතමි. එයට හේතුව ඔබගේ අනාවැකි ඇත්ත නොවේයැයි මා විශ්වාසයෙන් අනාගතය දෙස බලන බැවිනි.
ReplyDeleteමුලින්ම ඔබගේ අදහසට ස්තූති කරන අතරම ගෞරවද කරමි.
ReplyDeleteමෙය මේ මොහොතේ සුලූතරය බව නම් සැබෑය. නමුත් ඒසුලූ මොහොතකට පමණක් බව ඔබට ඉක්මනින් වැටහෙනු ඇත. අනික් අතට මේ කොටස අති බුද්ධිමත් යැයි මම අදහස් නොකළෙමි. බුද්ධිමත් පිරිස දැනගෙනත් බුද්ධිමත් නොවන පිරිස නොදැනත් මෙම කණ්ඩායමට වැටෙනු ඇත. ඔබ මෙන්ම තම දුරටත් මහින්දගේ කඬේ යන්නන්ගේ කණ්ඩායමේ සිටින්න දඟලන්නන් දැවැන්ත පිරිසක් සිටිති. (JVP ය ඊයෙත් හදිසි නිතියට පක්ෂව ඡන්දය භාවිතා කිරීම එබන්දකි) ඔබ කෙසේ උත්සහ දැරුවද මහින්දට ඔබව අවශ්‍ය නොවන තැනදී ඔබේ කැපකිරීම් හෝ පක්ෂපාතීත්වයේ අගය අවලංගු වී යනු ඇත. එය ඔබට වලක්වා ගැනීමට බැරි අතරම එය ඔබේ අතින් සිදුවූ වරදක්ද නොවන්නේය.
කෙසේ හෝ වේවා ඔබේ ඔය ප‍්‍රාර්ථනය නුදුරු අනාගතයේදීම ප‍්‍රායෝගිකත්වය තුළ විසදී යනු ඇත. නමුත් සිදුවන්නට ඇති දෙයට ඔබට දැක්විය හැක්කේ අල්පමාත‍්‍ර දායකත්වයක් පමණක් බව එදාට ඔබටද පසක් වනු ඇත.
හෂාන්
මේ වෙලාවේ තමන්ගේ හෘද සාක්ෂියට අනුව තමන් ඇත්තටම දේශප්‍රේමි නෙවෙයි කියලා දන්න අය ඒ පැත්තට යන්න දගලනවා. ඒක ස්වභාවිකයි.උන්ට ඒකේ ඇතුළු පැත්තක් තේරුම් ගන්න දන්නෙත් නැහැ. ඕනෙත් නැහැ.
ReplyDelete